Du er nå på våre gamle nettsider. Disse vil ikke lenger bli oppdatert, og informasjonen her kan være utdatert.
Klikk her for å komme til våre nye siderMåndag 5. januar vart det nye kullet med aspirantar tekne imot ved Utdanningssenteret for kriminalomsorga - KRUS. 175 aspirantar, ennå ikkje i uniformene sine, møtte opp i auditorium 1 for første dag av studiet for å bli fengselsbetjentar.
I auditoriet understreka både direktør ved KRUS, Hans-Jørgen Brucker, og fungerande dekan, Vigdis Hult, kor viktig det er for studentane å sjå samanheng mellom teori og praksis i utdanninga. Det held ikkje å vere ein god utøver av betjentrolla, om ein ikkje også kan seie noko om kvifor dei valga som er tekne er gode og velfunderte.
Første dag av studiet går med til å ta imot mykje informasjon. Dei 175 aspirantane er i deler av undervisninga delt inn i seminar- og basisgruppar, og allereie første dag fekk dei møte studentane dei skal arbeide tettast med i månadene som kjem.